Мамлакатимизда 2015 йил 29 март куни бўлиб ўтган сайловда Ислом Каримов Ўзбекистон Республикаси Президенти этиб сайлангани муносабати билан хорижий давлатлар ва ҳукуматлар, халқаро ташкилотлар раҳбарлари, хорижий мамлакатларнинг таниқли жамоат арбоблари номидан самимий тилаклар билдирилган қутловлар келиши давом этмоқда.

Жумладан, Америка Қўшма Штатлари Президенти Барак Обаманинг қутловида бундай дейилади:

Ўзбекистон Республикаси Президенти
Ислом Каримов Жаноби Олийларига

Муҳтарам Президент Жаноби Олийлари!

Сиз Президент лавозимида навбатдаги муддатда иш бошлаётганингиз муносабати билан Сизга ва Ўзбекистон халқига тинчлик ва равнақ тилайман. Америка Қўшма Штатлари ва Ўзбекистон ўртасида муштарак манфаатлар мавжуд бўлиб, улар ўзаро муносабатларимизнинг мустаҳкам ва изчил ривожланишида муҳим аҳамият касб этмоқда. Шунингдек, биз кўплаб умумий таҳдидларга ҳам дуч келмоқдамиз. Ўзаро ҳамкорлигимиз икки томонлама муносабатларимиз кенгайишига, шериклигимиз халқларимиз фаровонлигини янада юксалтиришга хизмат қилади.

Бугунги таҳликали дунёда доимий барқарорлик ва хавфсизликка демократик ва масъулиятли бошқарувсиз, жумладан, асосий ҳуқуқ ва эркинликларга риоя қилмасдан эришиб бўлмайди. Президент лавозимида янги муддатдаги фаолиятингизда ушбу муҳим масалалар бўйича Сиз билан ҳамкорликни давом эттириш ниятидаман. Америка халқи номидан Ўзбекистон халқига эзгу истакларимни йўллаб, мамлакатингизга тинчлик ва тараққиёт тилайман.

Эҳтиром билан,

Барак Обама,
Америка Қўшма Штатлари Президенти.

Шунингдек,

Америка Қўшма Штатлари Давлат котиби – Жон Керри

Чехия Республикаси Президенти – Милош Земан

Миср Араб Республикаси Президенти – Абдулфаттоҳ Ас-Сиси

Афғонистон Ислом Республикаси Президенти – Муҳаммад Ашраф Ғани

Таиланд Қироллиги Бош вазири – Прают Чан-Оча

Грузия Президенти – Георгий Маргвелашвили

Арманистон Республикаси Президенти – Серж Саргсян

Фаластин Давлати Президенти, Фаластин озодлик ташкилоти ижроия қўмитаси раиси – Маҳмуд Аббос

Россия Федерацияси Федерал Мажлиси Федерация Кенгаши раиси – Валентина Матвиенко

Энергетика Хартияси Бош котиби – Урбан Руснак

Саудия Арабистонида истиқомат қилаётган ватандошлар – Сафохон Жалолхон Тўра Марғилоний ва бошқалар

Россия Федерацияси мусулмонлари идораси раиси, Россия муфтийлар кенгаши раиси – Равиль Ғайнутдин

Тошкент ва Ўзбекистон митрополити, Ўрта Осиё митрополия округи раҳбари – Викентий

Британия – Ўзбекистон жамияти раиси – Хартли Бут

Марказий Осиё бўйича Кембриж форуми раиси, профессор – Сиддхарт Саксена "РУСАЛ" компанияси президенти – Олег Дерипаска

ҳам табрик йўллаган.

Қутловлар келиши давом этмоқда.

Манба: ЎзА