Жорий йил 7 ноябрь куни Давлат статистика қўмитасида жаноб А.Эгер бошчилигидаги Халқаро валюта фонди миссияси билан учрашув ташкил этилди.

Учрашув жараёнида, ХВФ миссиясига миллий ҳисоблар статистикаси ва нархлар статистикасининг услубияти ҳамда амалиётини такомиллаштириш бўйича эришилган натижалар, шу билан бирга Маълумотларни тарқатишнинг умумий тизими (МТУТ)га Ўзбекистон Республикасининг қўшилиши ҳақидаги ишлар тўғрисида ахборот берилди.

Давлат статистика қўмитаси томонидан миллий ҳисоблар ва нархлар статистикасини яхшилаш мақсадида амалга оширилган ишлар ва охирги йилларда эришилган мақсадларини ХВФ миссияси юқори баҳолади. Шу билан бирга, ХВФ миссияси вакиллари қўйилган ва муҳокама қилинган барча саволларга батафсил жавоб ва тушунтиришлар олишди.

Учрашув илиқ ва дўстона руҳда ўтди.

Манба: Ўзбекистон Республикаси Президенти ҳузуридаги Статистика агентлиги