Ўзбекистонлик теннисчилар Франция ва Таиландда ўтказилаётган Халқаро теннис федерацияси (ITF) тақвимидан жой олган халқаро турнирларда дастлабки ғалабаларни қўлга киритди.

Францияда ташкил этилган турнирнинг жуфтлик баҳсларида Оқгул Омонмуродова украиналик Надия Киченок билан болгариялик Элиста Костова ва беларуслик Лидзия Марозова жуфтлигини мағлубиятга учратди. Энди улар чорак финалда Буюк Британия вакили Наоми Броади ва чехиялик Кристина Плискова билан баҳслашади.

Таиланднинг Бангкок шаҳрида ўтаётган халқаро турнирнинг жуфтлик баҳсларида ёш теннисчимиз Сабина Шарипова жанубий кореялик Су Жеонг Жанг билан биринчи даврада таиландлик теннисчилар Ничапа Рунгтеин ва Напатсакорн Санкаев устидан 6:1, 6:0 ҳисобида ғалаба қозонди. Сабина Шарипова ва Су Жеонг Жанг жуфтлиги чорак финалда мезбонлар Варатчая ва Варуня Вонгтеанчаиларга қарши кортга чиқади.

Манба: ЎзА