Халқаро теннис федерацияси томонидан Малайзия ва Туркияда ташкил этилган турнирларда Жўрабек Каримов, Ҳумоюн Султонов ва Сабина Шарипова муваффақиятли қатнашмоқда.

Малайзияда ўтаётган турнирнинг яккалик баҳсларида Жўрабек Каримов гватемалалик Вильфредо Гонсалес устидан 6:2, 6:3 ҳисобида зафар қучиб, иккинчи даврага йўл олди. 

Ҳумоюн Султонов эса жуфтлик баҳсларида қирғизистонлик Дониёр Дулдаев билан бирга дастлаб малайзиялик Кристиан Оливер Ли ва Дамьен Роккини, чорак финалда голландиялик Марк Дийкхузен ва Скотт Грикспоорни мағлубиятга учратиб, финал йўлланмаси учун курашадиган бўлди. 

Туркияда халқаро турнирда иштирок этаётган Сабина Шарипова биринчи даврада сербиялик Наталия Костични 6:4, 6:7, 6:3 ҳисобида енгди ва навбатдаги босқичда руминиялик Ралука Георгиана Сербанга қарши кортга чиқади. 

Манба: ЎзА