Нукус шаҳрида яна бир йирик саноат корхонаси–“Нукус полимер” масъулияти чекланган жамияти иш бошлади

O'zbekcha Ўзбекча Қарақалпақша Русский English

Ўзбекистон Республикаси
Ҳукумат портали

Умумий бўлим:	+998 (71) 239-8676
Девонхона:	+998 (71) 239-8260, +998 (71) 239-8486
Фуқаролар қабули, хат ва аризаларни кўриб чиқиш бўлими:	+998 (71) 239-8114
Факс:	+998 (71) 239-8463

Соҳа бўйича янгиликлар

Архив

‹	2024	›

Давлат ҳокимияти

Календарь

Воқеалар

	Президентга мурожаат
	Тадбиркор виртуал офиси
	Норматив-ҳуқуқий ҳужжатлар таъсирини баҳолаш тизими
	Давлат органлари ишонч телефонлари
	Ҳукумат болалар нигоҳида

Порталда янгилик

Сен –қудрат манбаи, саодат маскани, жонажон Ўзбекистоним! Батафсил>>>
Оммавий савдолар орқали сотилиши белгиланган давлат мулки объектлари Батафсил>>>
"Давлат органлари ижтимоий тармоқларда" саҳифаси Батафсил>>>
Жонажон Ўзбекистоним, мангу бўл омон! Батафсил>>>
«Очиқ бюджет» саҳифаси Батафсил>>>

Нукус шаҳрида яна бир йирик саноат корхонаси–“Нукус полимер” масъулияти чекланган жамияти иш бошлади

2017-09-05 | Иқтисодиёт

Энг улуғ, энг азиз айём – Ватанимиз мустақиллигининг 26 йиллиги кенг нишонланаётган шу кунларда Нукус шаҳрида яна бир йирик саноат корхонаси – “Нукус полимер” масъулияти чекланган жамияти иш бошлади.

Президентимиз Шавкат Мирзиёев жорий йил 20-21 январь кунлари Қорақалпоғистон Республикасига ташрифи чоғида Нукус шаҳрида қуриладиган полимер маҳсулотлари заводи участкасида амалга ошириладиган ишлар бўйича бир қатор кўрсатма ва топшириқлар берди. Импорт ўрнини босадиган маҳсулотлар ишлаб чиқариш корхоналари ташкил этиш орқали аҳоли бандлигини таъминлаш зарурлигини таъкидлади.

Ана шундай лойиҳалардан бири – умумий қиймати 27,1 миллиард сўм бўлган “Нукус полимер” корхонаси қурилиши қисқа фурсатларда сифатли амалга оширилиб, фойдаланишга топширилди.

Шу муносабат билан ўтказилган тадбирда Қорақалпоғистон Республикаси Вазирлар Кенгаши раиси Қ.Сариев, “Uz-Kor Gas Chemical” масъулияти чекланган жамият шаклидаги қўшма корхона директори ўринбосари Ж.Шарипов ва бошқалар мамлакатимизда амалга оширилаётган изчил ислоҳотлар самарасида саноат ишлаб чиқариш кўлами кенгайиб, импорт ўрнини босувчи маҳсулотлар сифати ва ҳажми ортаётганини таъкидлади. Бу юртимиз иқтисодиётини юксалтириш билан бирга, аҳоли бандлигини таъминлаш ва турмуш фаровонлигини оширишга хизмат қилмоқда.

Қарийб 2 гектар майдонни эгаллаган ушбу корхонада полиэтилен ва полипропилен гранулалар қайта ишланиб, газ ва канализация тармоқлари учун замонавий пластмасса қувурлари ишлаб чиқарилмоқда. Жорий йил охирига қадар корхонанинг учинчи ва тўртинчи линиялари ишга туширилгач, 138 киши доимий иш билан таъминланади. Бу ерда йилига 8 минг тонна полиэтилен ва полипропилен гранулаларидан диаметри 16 миллиметрдан 630 миллиметргача бўлган 12 хил қувур ишлаб чиқарилади.

Аминбой Ортиқбоев, Мақсад Ҳабибуллаев (сурат), ЎзА

Манба: ЎзА

‹						›
Дш	Сш	Чш	Пш	Жм	Шн	Як