Самарқанд шаҳридаги Форумлар мажмуасида “Жаҳон тамаддуни тарихида Марказий Осиё Ренессанси” мавзуида халқаро илмий конференция бошланди.

Анжуманда БМТнинг Таълим, фан ва маданият масалалари бўйича ташкилоти–ЮНЕСКО, Ислом ҳамкорлик ташкилоти–ИҲТ, Таълим, фан ва маданият масалалари бўйича ислом ташкилоти–АЙСEСКО, Ислом тарихи, санъати ва маданиятини ўрганиш илмий-тадқиқот маркази–ИРСИКА каби нуфузли халқаро ташкилотлар раҳбарлари, АҚШ, Канада, Буюк Британия, Германия, Испания, Италия, Франция, Саудия Арабистони, Туркия, Эрон, Озарбайжон, Россия, Япония ва бошқа мамлакатлар олимлари, жаҳоннинг йирик илм-фан ва таълим муассасалари вакиллари иштирок этмоқда.

Манба: ЎзА