Samarqand shahridagi Forumlar majmuasida “Jahon tamadduni tarixida Markaziy Osiyo Renessansi” mavzuida xalqaro ilmiy konferensiya boshlandi.

Anjumanda BMTning Ta’lim, fan va madaniyat masalalari bo‘yicha tashkiloti–YuNESKO, Islom hamkorlik tashkiloti–IHT, Ta’lim, fan va madaniyat masalalari bo‘yicha islom tashkiloti–AYSESKO, Islom tarixi, san’ati va madaniyatini o‘rganish ilmiy-tadqiqot markazi–IRSIKA kabi nufuzli xalqaro tashkilotlar rahbarlari, AQSh, Kanada, Buyuk Britaniya, Germaniya, Ispaniya, Italiya, Fransiya, Saudiya Arabistoni, Turkiya, Eron, Ozarbayjon, Rossiya, Yaponiya va boshqa mamlakatlar olimlari, jahonning yirik ilm-fan va ta’lim muassasalari vakillari ishtirok etmoqda.