2017 йилнинг 27-30 июнь кунлари Женева шаҳрида (Швейцария) БМТнинг Европа иқтисодий комиссияси (ЭИК) томонидан Атроф-муҳит мониторинги ва баҳолаш бўйича Ишчи гуруҳнинг 19 сессияси ҳамда экологик статистик кўрсаткичлар бўйича қўшма Ишчи гуруҳининг 13 сессияси ўтказилди.

Сессияда ЕИК ҳудудидан атроф-муҳит соҳасининг экспертлари ҳамда статистика мутахассислари, шунингдек Атроф-муҳит бўйича Европа агентлиги, Иқтисодий ҳамкорлик ва тараққиёт ташкилоти, БМТнинг тараққиёт дастури, БМТнинг атроф-муҳит бўйича ташкилоти, БМТнинг статистика бўлими ҳамда Бутунжаҳон соғлиқни сақлаш ташкилотининг атроф-муҳит ва саломатлик масалалари бўйича Европа маркази каби халқаро ташкилотлар вакиллари иштирок этдилар.

Мажлислар доирасида Ўзбекистон Республикаси Давлат статистика қўмитасининг вакили-Қишлоқ хўжалиги ва экология статистикаси бошқармаси бошлиғи Д.Шерматов иштирок этди.

Мажлисларда ЕИКнинг экологик статистик маълумотлар ва кўрсаткичлар тўпламининг сифати масалаларини кўриб чиқиш бўйича келгусидаги амалий тадбирлар муҳокама этилди, шунингдек атроф-муҳит мониторинги ва экологик ҳисоботлар бўйича амалдаги ва келгусидаги фаолиятига қўшимча тарзда ЕИКнинг мавжуд экологик кўрсаткичлар тўпламидан фойдаланишни кенгайтириш масалалари кўриб чиқилди. Бундан ташқари, Барқарор Ривожланиш Мақсадларини амалга ошириш мақсадида статистик имкониятларни мустаҳкамлаш бўйича давлатларнинг эҳтиёжлари ва атроф-муҳит статистикасини такомиллаштириш юзасидан амалга оширилган ишларга оид масалалар кўриб чиқилди.

Манба: Ўзбекистон Республикаси Президенти ҳузуридаги Статистика агентлиги