Вьетнамда таэквондо (WTF) бўйича кадетлар ўртасида II Осиё чемпионати ўтказилди. Унда қитъамизнинг йигирмага яқин мамлакатидан келган ёш спортчилар керуги ва пумсе йўналишида ғолиблик учун куч синашди.

Чемпионатнинг керуги йўналишида иштирок этган Азизбек Раҳмонбердиев ўз вазн тоифасида барча рақибларини енгиб, олтин медални қўлга киритди. Финалгача бўлган жангларда зафар қучган Амир Тўраев, Муниса Каримова кумуш медалга сазовор бўлди. Шунингдек, Даниил Ким, Ирода Миртожиева, Ксения Смирнова, Севинч Мусирова шоҳсупанинг учинчи поғонасидан жой эгаллади. 

Пумсе йўналишининг яккалик чиқишларида Ирода Умрзоқова олтин, Айнура Умрзоқова ва Исломбек Ражаббоев бронза медаль билан тақдирланган бўлса, жуфтликлар ўртасидаги баҳсларда И.Умрзоқова ҳамда И.Ражаббоев бронза медални қўлга киритди. 

Манба: ЎзА