Кўриниш
A
A
A
Шрифт ўлчами
?
Экран сухандони
Ишлаб чиқилган: 
Ўзбекистон Республикаси
Ҳукумат портали
Франциянинг янги ташқи ишлар вазирига табрик
2017-05-22 | Сиёсат
Ўзбекистон Республикаси Ташқи ишлар вазири Абдулазиз Камилов Жан-Ив Ле Дрианни Франция Республикасининг Европа ва ташқи ишлар бўйича вазири лавозимига тайинлангани муносабати билан табриклади.
“Биз Сизнинг 2012 йил июлдаги Ўзбекистонга ташрифингизни ва ушбу ташриф давомида икки томонлама муносабатларни ривожлантириш истиқболлари юзасидан батафсил фикр алмашилганини илиқлик билан эслаймиз, – дейилади табрикда. – Биз чуқур ишонамизки, мамлакатларимиз ўртасидаги шериклик уни янада кенгайтириш нуқтаи назаридан улкан салоҳиятга эга. Бунинг учун томонлар кенг ва мақбул имкониятларга, хусусан ҳамкорликнинг барча йўналишларини қамраб олувчи тегишли шартномавий-ҳуқуқий асосга эга.
Табрикда таъкидланганидек, 2017 йил 16 май куни “Ўзавтосаноат” АК ва “Peugeot Citroёn” гуруҳи ўртасида “Жиззах” эркин индустриал зонаси ҳудудида енгил тижорат автомобилларини ишлаб чиқариш бўйича қўшма корхона ташкил этиш тўғрисидаги Битим имзоланиши қўшма фаолиятнинг яна бир аҳамиятли натижаларидан бири бўлди.
Ўзбекистон ТИВ раҳбари Жан-Ив Ле Дрианнинг юқори мансабдаги фаолияти “мамлакатларимизнинг дўстлик, ўзаро ҳурмат ва ишончга асосланган самарали шерикчилигини мустаҳкамлашга қўшимча туртки бериши”га ишонч билдирди.
Манба: Ўзбекистон Республикаси Ташқи ишлар вазирлиги
