2017 йилнинг 16 май куни Ўзбекистон Республикаси Ташқи ишлар вазирлигида Хорижий давлатлар билан минтақалараро ва маданий алоқалар бўйича Россия Федерацияси Президенти бошқармаси бошлиғи ўринбосари Сергей Чеботарев бошчилигидаги делегация билан учрашув бўлиб ўтди.

Суҳбат чоғида Ўзбекистон билан Россия ўртасида дипломатик алоқалар ўрнатилганининг 25 йиллиги муносабати билан бўлиб ўтадиган қўшма тадбирларга оид икки томон кун тартибининг амалий масалалари муҳокама қилинди.

Учрашувда Россия Элчиси Владимир Тюрденев иштирок этди.

Манба: Ўзбекистон Республикаси Ташқи ишлар вазирлиги