Ўзбекистон Республикаси Президенти Шавкат Мирзиёев Эммануэль Макронни бўлиб ўтган сайловлардаги ишончли ғалабаси ва Франция Республикаси Президенти этиб сайлангани билан табриклади.

Давлатимиз раҳбари мактубда Э.Макроннинг “ушбу юқори ва масъулиятли лавозимдаги фаолияти ўзаро ҳурмат, тенг ҳуқуқлилик ва ишонч тамойилларига асосланган анъанавий ва сермаҳсул Ўзбекистон-Франция ҳамкорлигини янада ривожлантиришга йўналтирилади”, – деб ишонч билдирди.

Шавкат Мирзиёев янги сайланган Президентга мустаҳкам соғлик ва улкан зафарлар, дўст Франция халқига эса хотиржамлик ва фаровонлик тилади.

Манба: Ўзбекистон Республикаси Ташқи ишлар вазирлиги