Ўзбекистон Республикаси Президенти Шавкат Мирзиёевнинг 2017 йил 6-7 март кунлари Туркманистонга давлат ташрифи чоғида эришилган келишувларни амалга ошириш доирасида Ўзбекистон-Туркманистон Давлат чегарасини ҳуқуқий расмийлаштириш бўйича музокаралар жадал тус олди.

2017 йилнинг 1-5 май кунлари Тошкент шаҳрида Ўзбекистон Республикаси ва Туркманистон Давлат чегарасини делимитация ва демаркация қилиш масалалари бўйича Ўзбекистон-Туркманистон Ҳукуматлараро қўшма комиссия ишчи гуруҳларининг навбатдаги учрашуви бўлиб ўтди.

Учрашув якунларига кўра Баёнот имзоланди ва 2017-йил учун дала текширув ишлари режаси келишиб олинди.

Музокаралар дўстона ва ҳамжиҳатлик муҳитида ўтди.

Манба: Ўзбекистон Республикаси Ташқи ишлар вазирлиги