Қарши шаҳрида теннис бўйича халқаро турнир қизғин давом этмоқда.

Хотин-қизлар ўртасидаги яккалик баҳслари биринчи даврасида мамлакатимизнинг кучли теннисчиларидан бири Нигина Абдураимова руминиялик Михаэла Бузарнеску билан куч синашди. Учрашувнинг биринчи сетида 7:6 ҳисобида ғалаба қозонган Нигина иккинчи сетда тай-брекда имкониятни бой бериб қўйди. Кескин ва муросасиз баҳсларга бой ўтган учрашувнинг сўнгги ҳал қилувчи сетида теннисчимиз 6:3 ҳисобида ғалаба қозониб навбатдаги босқичга йўл олди. У иккинчи даврада россиялик Анастасия Форлова билан рақобатлашади. 

Турнирнинг иккинчи даврасида спортчиларимиздан Санжар Файзиев беларуслик Сергей Бетов, Жўрабек Каримов россиялик Богдан Бобров, Темур Исмоилов россиялик Евгений Тюрневга қарши кортга чиқади. 

Манба: ЎзА