2017-08-30

Ҳукумат Порталида янги «Очиқ Ҳукумат» саҳифаси ишга тушди. 

Мазкур саҳифа орқали фойдаланувчилар Давлат органлари ва уларнинг фаолияти тўғрисидаги очиқ ахборотдан фойдаланишни таъминлаш мақсадида ишга туширилган Ўзбекистон Республикаси Очиқ маълумотлар портали (data.gov.uz), Давлат ҳокимияти ва бошқаруви органлари фаолиятининг очиқлиги, ишлаб чиқилаётган норматив-ҳуқуқий ҳужжат лойиҳасининг ёки қабул қилинган норматив-ҳуқуқий ҳужжатнинг тадбиркорлик фаолиятига таъсирини баҳолаш тизими – regulation.gov.uz., Давлатимиз раҳбарининг ташаббуси ишлаб чиқилган 2017-2021 йилларда Ўзбекистон Республикасини ривожлантиришнинг бешта устувор йўналишлари бўйича Ҳаракатлар стратегияси лойиҳаси кенг муҳокамаси, жисмоний ва юридик шахслар томонидан Ўзбекистон Республикасининг Президентига юборилаётган мурожаатлардаги масалаларни иқтисодий, ижтимоий, молиявий ва ҳуқуқий таҳлил этиб, ҳал этилишини таъминлашга қаратилган ишларни тубдан такомиллаштириш мақсадида ишлаб чиқилган Ўзбекистон Республикаси Президентининг виртуал қабулхонаси ва аҳоли ва тадбиркорлик субъектлари учун “ягона ойна” режимида давлат интерактив хизматларини кўрсатувчи Ягона интерактив давлат хизматлари портали ҳақида маълумотлар билан танишиш имконига эга бўладилар.