2017-01-18

Тошкент шаҳар ҳокимлигида 2014 йил 5 майдаги “Давлат ҳокимияти ва бошқаруви органлари фаолиятининг очиқлиги тўғрисида”ги Ўзбекистон Республикасининг Қонуни ҳамда “Халқ билан мулоқот ва инсон манфаатлари йили” давлат дастури ижросини таъминлаш мақсадида 2017 йилнинг I-ярмида Тошкент шаҳар ҳокимлиги тизимидаги бош бошқарма, бошқарма ва ташкилот раҳбарлари иштирокида ўтказиладиган матбуот анжуманлари режаси тасдиқланди.

Унга кўра, жорий йилнинг 25 январь куни ташкил қилинадиган матбуот анжумани “Тошшаҳартрансхизмат” акциядорлик компанияси фаолиятига бағишланади. Тадбирда пойтахтда транспорт хизматини амалга оширишда хизмат кўрсатиш маданиятини ошириш йўлидаги чоралардан тортиб қатновларнинг даврийлигига риоя этишга эришиш бўйича амалга оширилаётган ишлар, кадрлар тайёрлаш борасидаги тажрибалар, ишонч телефонларига мурожаатлар бўйича ишлаш тартиблари, йўловчи ташиш нархларини белгилаш тамойиллари, транспорт тизимининг техникалар билан таъминланиши борасидаги режаларгача батафсил ахборот берилади.

Бугунги кунда аҳоли учун долзарб бўлган масалалар юзасидан соҳада фаолият юритаётган мутасаддилардан бевосита маълумот олиш имконини берувчи матбуот анжуманларига мамлакатимизда фаолият юритаётган оммавий ахборот воситалари вакилларини таклиф этамиз ва эътиборингизга режани ҳавола қиламиз:

1. “Тошшаҳартрансхизмат” АК - 25.01.2017 й.
2. “Маҳалла” жамғармаси хайрия жамоат фонди Тошкент шаҳар бўлими - 01.02.2017 й.
3. Ўзбекистон Республикаси Марказий банки Тошкент шаҳар бошқармаси  - 15.02.2017 й.
4. Бинолардан фойдаланиш департаменти - 01.03.2017 й.
5. Тошкент шаҳар Ҳудудий коммунал фойдаланиш бирлашмаси,   “Тошиссиққуввати” ишлаб чиқариш бирлашмаси, “Сувсоз”- 15.03.2017 й.
6. Тошкент шаҳар Ободонлаштириш бош бошқармаси - 29.03.2017 й.
7. Тошкент шаҳар Архитектура ва қурилиш бош бошқармаси,Тошкент шаҳар Ер ресурслари ва давлат кадастри бошқармаси - 12.04.2017 й.
8. Тошкент шаҳар Соғлиқни сақлаш бош бошқармаси -  26.04.2017 й.
9. Тошкент шаҳар ИИББ ЙҲХБ бошқармаси - 10.05.2017 й.
10.  Тошкент шаҳар Меҳнат бошқармаси - 24.05.2017 й.
11. Тошкент шаҳар Электр тармоқлари корхонаси -  07.06.2017 й.
12.  Тошкент шаҳар ХУЖМШ уюшмаси - 21.06.2017 й.
13.   Савдо, хизмат кўрсатиш соҳаси ва халқ истеъмоли моллари ишлаб чиқариш департаменти - 05.07.2017 й.
14.  Тошкент шаҳар ҳокимлигининг Жамоат ташкилотлари ва диний ташкилотлар билан алоқалар мажмуаси - 19.07.2017 й.
15.  Тошкент шаҳар Адлия бошқармаси - 02.08.2017 й.
16.  “Ягона буюртмачи хизмати” инжиниринг компанияси - 16.08.2017й.

Манба: Тошкент шаҳар ҳокимлиги