2022-08-24

Бугун, 24 август куни Босния ва Герцеговинанинг Сараево шаҳрида ўсмирлар ўртасида жаҳон чемпионати бошланмоқда.

Дунёнинг 61 та давлатидан 500 нафарга яқин дзюдочилар иштирок этаётган чемпионатда Тоҳир Файзиев бош мураббийлигидаги Ўзбекистон ўсмирлар терма жамоаси ҳам медаллар учун баҳс олиб боради.

Кеча чемпионат баҳслари олдидан қуръа ташлаш ва мандат комиссиясининг йиғилиши бўлиб ўтди.

Ўзбекистон дзюдо федерацияси матбуот хизмати хабарига кўра, мазкур нуфузли мусобақада юртимизнинг 9 нафар ўғил ва 8 нафар қиз дзюдочилари қатнашмоқда.

Чемпионат баҳслари 27 августга қадар давом этади.

Манба: ЎзА