2019-02-27

2019-йилнинг 27-февраль – 1-март кунлари пойтахтимиз Тошкентда "Қурилиш – UzBuild 2019”​ халқаро кўргазмаси бўлиб ўтади. Ўзбекистон Республикаси Қурилиш вазирлиги кўмагида йигирманчи маротаба ташкил этилаётган мазкур юбилей экспозицияда дунёнинг ўнлаб мамлакатларидан юзлаб нуфузли компаниялар иштирок этади.

“UzBuild 2019”​ халқаро кўргазмасида Германия, Туркия, Бирлашган Араб Амирликлари ва Эрондан миллий гуруҳлар қатнашади.

Кўргазманинг алоҳида жиҳати – унда қурилиш соҳасининг маҳсулот ишлаб чиқариш, хизмат кўрсатиш, ускуна ва жиҳозлар етказиб бериш каби барча жараёнлари қамраб олинади.

Мутахассисларнинг фикрича, мазкур кўргазманинг айнан баҳор фасли бошида ўтказилиши бежиз эмас. Сабаби, айнан шу кўргазма қурилиш мавсуми учун янги йўналиш ва тенденцияларни белгилаб беради, компаниялар ўртасида ҳамкорлик алоқаларининг ўрнатилишига хизмат қилади. Хорижий сармоядорларнинг мамлакатимизга қизиқиши уйғониши ва ортишида муҳим роль ўйнайди.

“UzBuild 2019”​ халқаро кўргазмаси Бутунжаҳон Кўргазма саноати Уюшмаси – UFI (The Global Association of the Exhibition Industry)​ томонидан тасдиқланган ва йирик кўргазмалар жадвалига киритилган.

Ҳозирги кунга қадар ArselorMittal Temirtau, Artplast, Alsys, Assan Panel, Artifex De Color, Binokor Temir-Beton Servis, Bektemir Metal Konstruksiyalari, Dal Teknik, Discover Invest, Decolor, Ekopen, Elkon, EVG - Entwicklungs - U.Verwertungs, Gamma Meccanica, Golden House, F.H.L. I. Kiriakidis Marbles-Granites Group, Hafele GmbH & Co KG, Imzo, Imteco Engineering, Kalekim, Mapei, Mironkul Stroy Servis, Murad Buildings, Nae Woi Korea., Neolit, Nimex building Solutions, Oikos, Pedershaab Concrete Technologies, Putzmeister, Real House, Sam-Ferre, Sobsan, TenCate Geosynthetics Austria GmbH, Tixe, Концерн Bakarassov, Полимерметалл-Т, Полисан, Стройкамень​ каби йирик ва нуфузли компаниялар “UzBuild 2019”​ халқаро кўргазмасидаги иштирокини тасдиқлади.

Iteca Exhibitions​ Халқаро кўргазмалар компанияси томонидан ташкил этилаётган “UzBuild 2019”​ юбилей кўргазмаси Тошкентдаги “Ўзекспомарказ” МКМ павильонларида ўтказилади.

Кўргазмада иштирок этиш учун қуйидаги ҳавола орқали онлайн рўйхатдан ўтишингиз мумкин: http://bit.ly/reg-on

Расмий сайт: www.uzbuild.uz

Телефон: +998 71 2051818

Манба: Ўзбекистон Республикаси Қурилиш вазирлиги