2018-11-29

Мустақил Давлатлар Ҳамдўстлиги (МДҲ) иштирокчи давлатларининг Парламентлараро Ассамблеяси (ПА) Кенгашининг таклифига биноан Ўзбекистон Республикаси Олий Мажлиси Сенати Раиси Ниғматилла Йўлдошев бошчилигидаги мамлакатимиз парламент делегацияси 2018 йил 29-30 ноябрь кунлари Санкт-Петербург шаҳрида (Россия) бўлиб ўтадиган МДҲ ПА 48-мажлиси ишида иштирок этади.

МДҲ ПА халқаро ташкилот бўлиб, унинг асосий вазифаси МДҲ иштирокчи давлатларининг қонун ҳужжатларини яқинлаштиришга қаратилган модел қонунлар ишлаб чиқиш ва қабул қилишдан иборатдир.

Ўзбекистон аввал ҳам мазкур ташкилот тадбирларида иштирок этган. МДҲ ПАнинг навбатдаги мажлисида шахсий маълумотлар, туризм, ахборотга оид ривожланиш, таълим сифатини ошириш каби масалалар юзасидан қатор модел ҳужжатлар лойиҳалари кўриб чиқилиши назарда тутилган.

Манба: Ўзбекистон Республикаси Олий Мажлиси Сенати