Birlashgan Arab Amirliklarining Dubay shahrida yengil atletika bo‘yicha paralimpiyachilar o‘rtasida Gran-pri turniri bo‘lib o‘tdi. 

Turnirda ellikka yaqin davlatdan to‘rt yuzdan ziyod paralimpiyachi g‘oliblik uchun o‘zaro raqobatlashdi. Keskin va murosasiz bahslarga boy o‘tgan musobaqada sportchilarimiz bittadan oltin va kumush hamda ikkita bronza medalni qo‘lga kiritdi. 

Mamlakatimiz vakili Natalya Semyonova musobaqaning nayza uloqtirish bahslarida oltin, yadro uloqtirishda kumush medalga sazovor bo‘ldi. Terma jamoamiz a’zosi Elbek Sultonov yadro va disk uloqtirishda uchinchi o‘rinni egalladi.