O‘zbekiston Respublikasi Tashqi ishlar vaziri Abdulaziz Kamilov Zigmar Gabrielni Germaniya Federativ Respublikasining Federal tashqi ishlar vaziri lavozimiga tayinlanganligi munosabati bilan tabrikladi.

Tabrik maktubida an’anaviy do‘stona, serqirra va o‘zaro manfaatli O‘zbekiston-Germaniya munosabatlarini yanada mustahkamlashishi va rivojlanishiga ishonch bildirildi.

“Sizning Federal iqtisodiyot va energetika vaziri sifatida ulkan ish tajribasiga egaligizni inobatga olgan holda biz mamlakatlarimiz o‘rtasida savdo-iqtisodiy, investitsion-texnologik va moliyaviy-texnik hamkorlikni sifat jihatdan kengaytirish va oshirishga umid qilamiz”, - deya ta’kidlanadi maktubda.