Namangan viloyati Chust tumani xalq ta'limi muassasalari faoliyatini metodik ta'minlash va tashkil etish bo'limiga qarashli 6-Olimpiya zaxiralari bolalar va o'smirlar sport maktabida mahoratli yoshlar tarbiyalanmoqda.

Mazkur maktab tarbiyalanuvchisi Dilafro'z Azimova uchun 2014-yil omadli keldi. Namangan shahrida o'tkazilgan "Barkamol avlod – 2014" sport musobaqalarida stol tennisi bo'yicha aralash o'yinlarda birinchi o'rinni qo'lga kiritdi. Qoraqalpog'iston Respublikasida bo'lib o'tgan O'zbekiston chempionatining aralash va juftlik o'yinlarida ham unga teng keladigani topilmadi. Yil oxirida esa Moldovada o'tkazilgan 7-tennis festivali musobaqalarining yakkalik bahslarida g'olib chiqib, Vatanimiz bayrog'ining yana bir bor ko'tarilishiga munosib hissa qo'shdi.