“O‘zbekturizm milliy kompaniyasi «Euronews» axborot agentligi bilan hamkorlikni davom ettirmoqda.

Joriy yilning avgust oyidan 2017 yilning mart oylari davomida ushbu telekanal yurtimiz sayyohlik imkoniyatlari, me’moriy obidalar va urf-odatlarimiz haqidagi bir nechta reklama roliklarini namoyish etib boradi. 

Shu bilan bir qatorda, telekanal o‘zining «Postcards» va «Cult» ko‘rsatuvlari doirasida  O‘zbekistonning turli viloyatlari madaniy va tarixiy yodgorliklar haqida batafsil hikoya qiluvchi 18 ta lavhani ham o‘zining dunyo bo‘yicha millionlab muxlislariga taqdim etishi rejalashtirilgan.

“O‘zbekturizm  milliy kompaniyasi o‘z navbatida ushbu ko‘rsatuvlar efirga ketish jadvali haqida qo‘shimcha xabar berib boradi.

Manba: O‘zbekiston Respublikasi Turizm va madaniy meros vazirligi