O‘zbekistonlik tajribali bokschi Bektemir Meliqo‘ziyev Rio-de-Janeyro shahrida o‘tayotgan XXXI yozgi Olimpiya o‘yinlarida kumush medalni qo‘lga kiritdi.

O‘smirlar o‘rtasida Osiyo va jahon chempioni, II o‘smirlar Olimpiadasi g‘olibi, kattalar o‘rtasida Osiyo chempioni, jahon chempionati sovrindori Bektemir Meliqo‘ziyev XXXI yozgi Olimpiya o‘yinlarining boks bo‘yicha vazni 75 kilogrammgacha bo‘lgan sportchilar bahsida O‘zbekiston sport delegatsiyasi hisobiga navbatdagi kumush medalni keltirdi. 

U finalga qadar kechgan bahslarda avstraliyalik Daniel Jeyson L’yuisni, hindistonlik Krishan Vikashni, meksikalik Misael Uziyel Rodrigezni mag‘lubiyatga uchratdi.

Manba: O'zA