Tailanda para velosportning shosse yoʻnalishi boʻyicha Osiyo chempionati boʻlib oʻtdi.

Eʼtiborlisi, unda ishtirok etgan terma jamoamiz aʼzolari yakunda 5 ta oltin, 1 ta kumush va 1 ta bronza, jami 7 ta medalga sazovor boʻldi. Jumladan, erkaklar oʻrtasida Azimbek Abdullayev (C5 klass), Gʻolib Mirzayorov (S2 klass), Aziz Otaxoʻjayev (T1 klass) oltin, Bunyod Xaytmaxammadov (S1 klass) kumush hamda Abror Artiqov (S2 klass) bronza medalini qoʻlga kiritgan boʻlsa, ayollar oʻrtasida esa Odina Hamdamova (T2 klass) va Fotima Soipovaga (T1 klass) teng keladigan raqib topilmadi.

10 dan ortiq davlatdan 100 ga yaqin sportchi ishtirok etgan ushbu Osiyo chempionati yakunida Oʻzbekiston terma jamoasi umumjamoa hisobida 3-oʻrinni egalladi.

Taʼkidlash kerakki, qitʼa birinchiligida shohsupaga koʻtarilgan para velosportchilarimiz Parij-2024 yozgi Paralimpiya oʻyinlariga ham muhim reyting ochkolarini qoʻlga kiritdi.

Manba: O‘zbekiston Respublikasi Yoshlar siyosati va sport vazirligi