28-aprel kuni yirik tadbir — Toshkent xalqaro investitsiya forumining ikkinchi kuni bo‘lib o‘tdi, unda biznes va investitsiya sohasidagi dolzarb mavzular ko‘tarildi.

“Industrial Internet of Things – iqtisodiy o‘sish omili” davra suhbatida ta’kidlanganidek, zamonaviy dunyoda IOT (Industrial Internet of Things) sanoat va texnologiyani o‘zida mujassamlashtirgan soha hisoblanadi. U real vaqt rejimida mashinalar, uskunalar va ishlab chiqarish jarayonlarining ishlashi to‘g‘risidagi ma’lumotlarni to‘plash imkonini beradi. Ular uskunaning ishlashini optimallashtirish va yaxshilash, shuningdek resurslarni tejash uchun ishlatiladi. 

IOT iqtisodiy o‘sishning asosiy omilidir. Bundan tashqari, u innovatsion mahsulot va xizmatlarni yaratish uchun yangi imkoniyatlar ochadi.

Tadbirda O‘zbekiston Respublikasi raqamli texnologiyalar vaziri Sherzod Shermatov, Future Tech IOT — AI — Cybersecurity, Bond Communications kompaniyasi direktori Mitchell Mobayed, “Sergek” asoschisi Asset Axmetov, va boshqa Mitsubishi korporatsiyasi vitse-prezidenti Yasunori Sakamoto, Digitex kompaniyasining strategik hamkorlik bo‘yicha vitse-prezidenti Leonid Biletskiy, BIKAL bosh direktori Raj Sandxu, Huawei simsiz texnologiyalar bo‘yicha ekspert Shuhrat Mirzayev, KPMG Technology Consulting Group direktorining Markaziy Osiyo va Kavkaz bo‘yicha o‘rinbosari Davron Abdumo‘minovlar qatnashdi. IDC vitse-prezidenti Andrey Beklemishev moderator sifatida ishladi.

Ma’ruzachilar sanoat buyumlari internetini rivojlantirishning asosiy iqtisodiy foydalari, uni rivojlantirishning mehnat unumdorligiga, tannarxini pasaytirishga va ishlab chiqarish samaradorligiga ta’sirini muhokama qildi. 

Bundan tashqari, IOTni rivojlantirish uchun eng katta salohiyatga ega bo‘lgan iqtisodiyot tarmoqlari haqida so‘z yuritildi.

Birinchi bo‘lib O‘zbekiston Respublikasi raqamli texnologiyalar vaziri Sherzod Shermatov so‘zga chiqdi. U o‘z so‘zini O‘zbekiston aholisining bir necha yil oldingi va hozirgi tezligini taqqoslashdan boshladi:

“Besh-olti yil avval internet juda qimmat edi, yuqori tezlikdagi internet boylarning imtiyozi edi. Lekin biz uni hamma uchun ochiq qildik”, — deydi Shermatov. 

U kelajakdagi rejalari haqida ham gapirar ekan, mamlakatning borish qiyin bo‘lgan hududlarini yuqori tezlikdagi internet bilan ta’minlash bo‘yicha yangi loyihalarga sarmoya kiritish kerakligini ta’kidladi. 

Respublikada 5G Internet hali rivojlanish bosqichida va faqat Samarqand ham Toshkentda mavjud. Ammo yaqin kelajakda uni mamlakat bo‘ylab rivojlantirish rejalashtirilgan.

Future Tech IOT — AI — Cybersecurity, Bond Communications direktori Mitchell Mobayed O‘zbekistonda ishlaganlik haqidagi taassurotlari bilan o‘rtoqlashdi: 

“Bu yerda katta imkoniyatlar mavjud. Biz bir necha yillardan buyon O‘zbekiston sarmoya sohasidagi sheriklikni qanday mustahkamlab borayotganini kuzatmoqdamiz. Ushbu hududda ishlayotganimizdan, yangi texnologiyalarni ishlab chiqishimiz va ularni amaliyotga tatbiq etishimiz, ushbu hududning salohiyatini maksimal darajada oshirishimizdan juda xursandmiz”, — deydi u. 

KPMG’ning Markaziy Osiyo va Kavkazdagi texnologiyalar bo‘yicha maslahat guruhi direktori o‘rinbosari Davron Abdumo‘minov O‘zbekiston iqtisodiyoti IOTni joriy etishga tayyorligini ta’kidladi. Biroq, buning uchun yuqori malakali mutaxassislar kerak, chunki IOT ma’lumotlar to‘plami bo‘lib, tajriba talab qiladi.

“Sergek” jamoat va yoʻl harakati xavfsizligi intellektual tizimi asoschisi Asset Axmetov Oʻzbekistondagi faoliyatidan koʻzlangan maqsadlarga toʻxtalib oʻtdi.

“Bu yerda ishchi loyihamiz bor. U kichik, lekin u allaqachon mavjud va ishlaydi. Toshkent shahrining o‘zi biz uchun juda muhim va mahsulotimiz bunga ijobiy ta’sir ko‘rsatmoqda. Bizning maqsadimiz xavfsizlik. Biz uni yuqori darajaga olib chiqishimiz mumkin. Butun dunyo uchun tendentsiya shundaki, shaharlar aqlli bo'lishi kerak. Ishonchim komilki, biz O‘zbekistonda o‘z biznesimizni rivojlantira olamiz”, — deydi Axmetov. 

Manba: O‘zbekiston Respublikasi investitsiyalar, sanoat va savdo vazirligi