Bugun Oliy Majlis Senatining o‘ttiz uchinchi yalpi majlisi o‘z ishini boshladi.

Parlament yuqori palatasi maʼlumotiga ko‘ra, majlisda Senat, hukumat  aʼzolari, vazirlik va idoralarning vakillari, Senat huzuridagi Yoshlar parlamenti aʼzolari hamda ommaviy axborot vositalari xodimlari qatnashmoqda.

Yalpi majlisni O‘zbekiston Oliy Majlisi Senati raisi Tanzila Norboyeva olib bormoqda.

Yalpi majlisda ko‘rib chiqiladigan masalalarni Senatning YouTube tarmog‘idagi sahifasi orqali onlayn kuzatib borish mumkin.

Eslatib o‘tamiz, majlisda «Standartlashtirish to‘g‘risida»gi, «Ko‘chmas mulkka bo‘lgan huquqlarni davlat ro‘yxatidan o‘tkazish to‘g‘risida»gi hamda «O‘zbekiston Respublikasining ayrim qonun hujjatlariga o‘zgartish va qo‘shimchalar kiritish to‘g‘risida»gi qonunlar ko‘rib chiqiladi.

Manba: “Dunyo” axborot agentligi