Axborot texnologiyalari va kommunikatsiyalarini rivojlantirish vaziri Sherzod Shermatov Xorazm viloyatiga tashrifi davomida IT Park filialiga bordi.

AKT vaziri tashrif davomida IT Parkda yoshlar va IT sohasi mutaxassislari uchun yaratilagan shart-sharoitlar bilan yaqindan tanishdi. Filialda faoliyat yuritayotgan IT mutaxassislari bilan uchrashib, ular tomonidan amalga oshirilayotgan ishlarni ko‘zdan kechirdi.

Shuningdek, Sh.Shermatov IT-park binosida yangi tashkil etilgan IT akademiyasi bilan tanishib, IT Park va unda faoliyat yuritayotgan kompaniyalarni rivojlantirish bo‘yicha taklif va tavsiyalar berildi.

Ma’lumot uchun:

Bugungi kunda Xorazm viloyatida IT Park rezidenti sifatida ro‘yxatdan o‘tgan korxonalar soni

17 tani tashkil etadi. Mazkur IT Parkda 9 ta rezident korxonalar joylashgan. Mahalliy IT kompaniyalarni qo‘llab-quvvatlash hamda ularga zarur shart-sharoitlarni yaratish bo‘yicha olib borilgan ishlar natijasida IT Park binosida 150 dan ortiq yangi ish o‘rinlari yaratilib, yoshlarni ish bilan ta’minlanishiga erishildi.

Manba: O‘zbekiston Respublikasi Raqamli texnologiyalar vazirligi