Innovatsion rivojlanish vazirligida bugun,  4-avgust kuni Oliy ta'lim muassasalari ilmiy ishlar va innovatsiyalar bo'yicha prorektorlari ishtirokida seminar-trening o'tkazildi.

Unda joriy yilda vazirlik tomonidan  tashkil etilgan Qozon federal universitetida qisqa muddatli stajirovka o'tab kelgan ilmiy ishlar va innovatsiyalar bo'yicha rahbar o'rinbosarlari Rossiyaning ilmiy va innovatsion faoliyatni rivojlantirishdagi tajribasi va ularni yurtimizda qo'llash imkoniyatlari haqida fikr almashdilar. 

Tadbirning birinchi kuni «Zamonaviy universitetda biznes jarayonlar», «Muvaffaqiyatli loyiha uchun 24 qadam», «Universitet 4.0. Transformatsiya va rivojlantirish istiqbollari», «Aktseleratsiya vositalari»  kabi mavzularda ma'ruzalar o'qildi, taqdimotlar qilindi, savollarga javoblar berildi.

O'z navbatida, Seminar ishtirokchilari intellektual faoliyat natijalarini tijoratlashtirish masalalariga alohida e'tibor qaratib, bu sohada  amalga oshirilayotgan ishlarni tahlil qildilar. 

Seminar-trening 2 kun davom etadi.

Manba: O‘zbekiston Respublikasi Innovatsion rivojlanish agentligi