O'zbekiston Respublikasi Prezidenti huzuridagi Paxtachilik Kengashi raisi, Innovatsion rivojlanish vaziri, akademik Ibrohim Abdurahmonov Samarqand viloyati Narpay tumaniga tashrif buyurdi.

I.Abdurahmonov Narpay tuman hokimi va tegishli mas'ullar hamrohligida «Narpay mash'ali» MMTP hududidagi biolaboratoriya faoliyati, «Nafisgul Orzu NRO» urug'chilik fermer xo'jaligining g'o'za maydonlarida amalga oshirilayotgan agrotexnik tadbirlar bilan tanishdi.

So'ngra Ibrohim Abdurahmonov «Maroqand Sifat» mas'uliyati cheklangan jamiyatida Kengash a'zolari hamda klaster ilmiy markaz xodimlari bilan yig'ilish o'tkazdi. 

Uchrashuvlar davomida paxta maydonlari va klasterlaridagi muammolar o'rganildi, mavjud muammolarning ilmiy echimlarini taqdim etishga qaratilgan ilmiy izlanishlarni olib borish bo'yicha olimlarga topshiriqlar berildi. Shuningdek, mavjud tadqiqotlar natijalarini qo'llash masalalari muhokama etildi.

Manba: O‘zbekiston Respublikasi Innovatsion rivojlanish agentligi