“Biz ulkan mamnuniyat ila Oʻzbekiston professional boks federatsiyasining safimizga rasman qabul qilinganini eʼlon qilyapmiz. WBC va Oʻzbekiston oʻrtasida keng qamrovda hamkorlik oʻrnatiladi. Isteʼdodli, kelajagi porloq sifatida qaralayotgan professional bokschilarga WBC shafeligida oʻtkaziladigan mintaqaviy chempionatlar, boks oqshomlarida ishtirok etish uchun amaliy koʻmak beriladi. Shuningdek, Oʻzbekiston hududida ham WBC bayrogʻi ostidagi boks kechalari oʻtkaziladi”, deyiladi WBC-ABC prezidenti Kovit Bxakdibxumi tomonidan imzolangan maktubda.

WBC qoidalariga koʻra, milliy federatsiyalarga WBC tashkilotiga aʼzolik qitʼaviy uyushma tomonidan taqdim etiladi. Osiyo WBC boks ittifoqiga aʼzo boʻlish esa toʻgʻridan-toʻgʻri WBC tashkilotining toʻlaqonli aʼzosi boʻlishni anglatadi.

Manba: O‘zbekiston Respublikasi Yoshlar siyosati va sport vazirligi