Ko'rinish
Shrift o'lchami
?
Ekran suxandoni
Ishlab chiqilgan: 
O`zbekiston Respublikasi
Hukumat portali
O‘zbekiston Butunjahon shaxmat olimpiadasi mezbonligi uchun kurashadi
2022-07-08 | Sport
Bugun poytaxtimizda joriy yilgi olimpiada doirasidagi musobaqalar, shuningdek, 2026 yilgi Butunjahon shaxmat olimpiadasi mezbonligi uchun o‘tkaziladigan tenderda munosib ishtirok etish masalalari yuzasidan yig‘ilish o‘tkazildi.
Yig‘ilishda 44-Butunjahon shaxmat olimpiadasida qatnashadigan mutasaddilar, musobaqalarda ishtirok etuvchi O‘zbekiston terma jamoasi aʼzolari va delegatsiya tarkibi muhokama qilindi.
Maʼlumot uchun, Butunjahon shaxmat Olimpiadasi shaxmat olamidagi eng nufuzli musobaqa bo‘lib, 1924 -yildan buyon o‘tkazib kelinmoqda. FIDE bosh assambleyasi tomonidan 2026 yilgi olimpiada mezbonligi uchun eʼlon qilingan tenderda xalqaro toifadagi shaxmat ustalari, grossmeysterlar diyori sifatida vatanimiz O‘zbekiston ham nomzod sifatida ishtirok etadi.
Yoshlar ishlari agentligi jamoasi 2026 -yilgi Butunjahon olimpiya o‘yinlari mezbonligi uchun o‘tkaziladigan tenderda O‘zbekiston delegatsiyasiga omad tilaydi.
Manba: O‘zbekiston Respublikasi Yoshlar siyosati va sport vazirligi
