Memorandum ilm-fan, yangi texnologiyalar va innovatsiyalar sohasidagi hamkorlikni kengaytirish va aloqalarni mustahkamlashni ko'zda tutadi. Ishtirokchilar davlatlarining iqtisodiy va ijtimoiy rivojlanishi uchun o'zaro manfaatli va muxim bo'lgan ilmiy muammolar bo'yicha qo'shma ilmiy-innovatsion loyixalar va tadqiqotlarni amalga oshirishi belgilab o'tilgan. 

Hujjatni imzolash tadbirida A.Gashimov uchrashuv uchun minnatdorchiligini bildirar ekan, keyingi hamkorlikdan katta umidlar kutayotganini ta'kidlab o'tdi. 

Vazir I.Abdurahmonov o'z o'rnida ikki mamlakat o'rtasidagi aloqalarni yanada mustahkamlash, ilm-fan va innovatsiyalar sohasidagi hamkorlikni kengaytirishda vazirlik jamoasi manfaatdorligini bildirib o'tdi.