2022-yil 13-iyun kuni O‘zbekiston Respublikasi Oliy Majlisi Senatining yigirma yettinchi yalpi majlisi bo‘lib o‘tadi.

Yalpi majlisda “Davlat mulkini boshqarish to‘g‘risida”gi, “Alkogol va tamaki mahsulotlarining tarqatilishini hamda iste’mol qilinishini cheklash to‘g‘risida”gi, “Inson a’zolari va to‘qimalarining transplantatsiyasi to‘g‘risida”gi O‘zbekiston Respublikasi qonuni qabul qilinishi munosabati bilan O‘zbekiston Respublikasining ayrim qonun hujjatlariga o‘zgartish va qo‘shimchalar kiritish haqida”gi hamda “O‘zbekiston Respublikasining ayrim qonun hujjatlariga o‘zgartish va qo‘shimchalar kiritish, shuningdek ayrim qonun hujjatlarini o‘z kuchini yo‘qotgan deb topish to‘g‘risida”gi O‘zbekiston Respublikasi qonunlari ko‘rib chiqiladi.

Senatorlar O‘zbekiston Respublikasi Oliy sudining raisini saylash to‘g‘risidagi masalani ham ko‘rib chiqishi ko‘zda tutilgan.  

Ertaga soat 11:00 da o‘z ishini boshlaydigan Senatning navbatdagi yalpi majlisi videokonferensaloqa shaklida bo‘lib o‘tadi. Majlis Senatning YouTube tarmog‘idagi sahifasi orqali to‘g‘ridan-to‘g‘ri yoritib boriladi.

Manba: O'zA