Ma’lumot uchun: CTP-KTSAM XVF va uning mintaqadagi a’zo davlatlari: Ozarbayjon, Armaniston, Gruziya, Qozog‘iston, Qirg‘iziston Respublikasi, Mo‘g‘uliston, Tojikiston, Turkmaniston va O‘zbekistonning qo‘shma markazidir.

Ushbu markaz ikki tomonlama asosda texnik yordam ko'rsatish orqali salohiyatni rivojlantirishda, a'zo davlatlarning iqtisodiy siyosat ishlab chiqaruvchilari va boshqa davlat idoralari uchun mintaqaviy seminarlar va amaliyotlarni qo'llab-quvvatlaydi.

Yig‘ilishdan ko‘zlangan asosiy maqsad markaz tomonidan tegishli vazirlik va idoralar xodimlari uchun tashkil etilgan onlayn o‘quv kurslari va o‘quv mashg‘ulotlari samaradorligini muhokama qilishdan iborat bo‘ldi. Shuningdek, amalga oshirilayotgan DMB islohotlarining holati, jumladan, dasturiy byudjetlashtirishni joriy etish, makro-fiskal tahlilni kuchaytirish, DSXMHSga o‘tish va yashil byudjetlashtirish elementlarini rivojlantirish masalalari muhokama qilindi.

Bundan tashqari, ushbu dasturlar doirasida moliyaviy baholash missiyasini ishlab chiqish, ochiq byudjet indeksiga qo‘shilish, yashirin iqtisodiyot darajasini baholash, yashil iqtisodiyotni tadbiq qilishda xalqaro institutlarni jalb qilish masalalari muhokama qilindi.

Uchrashuv yakunida tomonlar o'zaro hamkorlikni rivojlantirish va yuqorida qayd etilgan masalalar bo'yicha hamkorlikni kengaytirishga kelishib oldilar.