Undan so'ng esa, aynan mazkur “Tashabbusli byudjet” jarayonida katta qiziqish bilan ishtirok etgan talabalar o'z taassurotlari bilan bo'lishdilar.

Xususan, tanlovda 13 o'rinni qo'lga kiritgan talaba Sherbek Maxmasoatov: “Ochiq budjet saytidagi "Tashabbusli budjet" loyihasi davlatimiz tomonidan muommolar uchun ajratilyotgan mablag'lari ayni kerakli joylarga etib borishiga sabab bo'lmoqda. Yana ham quvonarli holat shundaki, keyingi tashabbus uchun qaysi muommoni ko'tarib chiqamiz deb mahalla mutasaddilari va tashabbuskor aholilar tomonidan o'rganish ishlari olib borilmoqda. Buning barchasiga bosh bo'lgan Davlatimiz Rahbariga, qolaversa, shu loyiha bo'yicha ishlayotgan mutasaddilarga o'z minnatdorchiligimni bildiraman.” – deya ta'kidladi.

Mazkur tadbirda nafaqat talabalar, balki ularning ota-onalari ham ishtirok etib, tanlov haqidagi o'z fikr va takliflarini bildirishdi.

Uchrashuvda g'oliblarga esdalik sovg'alari, jumladan, 5 ta noutbuk, 10 ta planshet, 10 ta kindel, 10 ta aqlli soat va 20 ta quloqchinlar o'z egalariga topshirildi hamda kelgusida jamiyat rivoji yo'lida faol ishtirokda bardavom bo'lishlarini ta'kidlandi.