Uchrashuv chog‘ida italiyalik tadbirkorlar tomonidan O‘zbekistonda investitsiyaviy faoliyatni yo‘lga qo‘yish va kengaytirish istiqbollari muhokama qilindi. Italiya tomoni energetika va maishiy chiqindilarni qayta ishlash sohalarida yirik loyihalarni amalga oshirishga qiziqish bildirdi. Shuningdek, kompaniya rahbariyati O‘zbekiston hududlarida yetishtiriladigan za'faron hajmini oshirish rejalarini bildirdi. Bu, o‘z navbatida, o‘zbek fermerlarining ushbu mahsulot bilan savdo qilishda xalqaro bozorda mavqeini mustahkamlaydi va qo‘shimcha ish o‘rinlari yaratadi.

 

Tomonlar ushbu loyihalarni hayotga joriy etishni tezlashtirish maqsadida ularni amalga oshirish bilan bog‘liq barcha masalalarni batafsil ko‘rib chiqdilar hamda tezkor yechimlari bo‘yicha o‘zaro hamkorlik mexanizmlarini ishlab chiqdilar.

 

Uchrashuv yakunida ko‘rib chiqilgan loyihalarni ilgari surishni jadallashtirish maqsadida faol aloqalar va muntazam muloqotni davom ettirishga kelishildi.