Ko'rinish
A
A
A
Shrift o'lchami
?
Ekran suxandoni
Ishlab chiqilgan: 
O`zbekiston Respublikasi
Hukumat portali
Yevropa Ittifoqining O‘zbekiston Respublikasidagi delegatsiyasi rahbari Sharlott Adrian bilan uchrashuv bo‘lib o‘tdi
2022-05-16 | Iqtisodiyot
Investitsiyalar va tashqi savdo vazirligida Yevropa Ittifoqining O‘zbekiston Respublikasidagi delegatsiyasi rahbari Sharlott Adrian bilan uchrashuv bo‘lib o‘tdi.
Muzokaralar chog‘ida O‘zbekiston va YeI o‘rtasidagi ko‘p qirrali savdo-iqtisodiy, investitsiyaviy, moliya-texnikaviy hamkorlik masalalari muhokama qilindi.
Unda respublikaning JSTga qo‘shilishi bo‘yicha Ishchi guruhining 5-yig‘ilishini o‘tkazish masalalari, bo‘lajak O‘zbekiston – Yevropa Ittifoqi hamkorlik qo‘mitasi yig‘ilishining kun tartibi va tomonlarni qiziqtirgan boshqa masalalar muhokama qilindi.
Joriy yilning birinchi choragida O‘zbekiston va YeI o‘rtasida tovar aylanmasining 30%ga o‘sishi, shu jumladan, Yevropa Ittifoqining “GSP+” Preferensiyalar bosh tizimi benefisiari maqomi tufayli O‘zbekiston mahsulotlarini Yevropa bozoriga eksport qilish hajmi 56%ga oshishi kuzatildi.
Muzokaralar yakunida tomonlar O‘zbekiston va Yevropa Ittifoqi o‘rtasidagi hamkorlikni yanada kengaytirishga qaratilgan qo‘shma tashabbus va dasturlarni amalga oshirishni jadallashtirishga kelishib oldilar.
Manba: O‘zbekiston Respublikasi investitsiyalar, sanoat va savdo vazirligi
