Farg‘ona shahridagi Ahmad al-Farg‘oniy nomli madaniyat va istirohat bog‘ida Sharqiy harbiy okrugi Farg‘ona va So‘x garnizonida muddatli harbiy xizmatga chaqirilgan askarlarning qasamyod qabul qilishiga bag‘ishlangan tantanali marosim bo‘lib o‘tdi.

Tadbirda mas’ul ofitserlar, Qurolli Kuchlar faxriylari, askarlarning ota-onalari, yoshlar ishtirok etdi. Sharqiy harbiy okrug qo‘shinlari qo‘mondoni, polkovnik L.Buzrukov, O‘zbekiston xalq shoiri E.Siddiqova va boshqalar harbiy qasamyod qabul qilgan o‘g‘lonlar zimmasidagi mas’uliyat naqadar ulug‘vor ekanini e’tirof etib, ularga Vatan himoyasidek sharafli ishda muvaffaqiyat tiladi. 

Harbiy qasamyod qabul qilib, Vatan himoyachisi degan ulug‘ nomga sazovor bo‘lgan aksarlar o‘zlariga bildirilayotgan yuksak ishonch va e’tibordan mamnun ekanliklarini bildirdi. Tadbir davomida respublikamizning barcha viloyatlaridan kelgan  muddatli harbiy xizmatchilarga O‘zbekiston Respublikasi Prezidentining sovg‘alari topshirildi.

Manba: O'zA