Ko'rinish
A
A
A
Shrift o'lchami
?
Ekran suxandoni
Ishlab chiqilgan: 
O`zbekiston Respublikasi
Hukumat portali
Finlyandiya Elchisi bilan uchrashuv
2022-04-19 | Siyosat
2022-yilning 19-aprel kuni O‘zbekiston Respublikasi Tashqi ishlar vaziri o‘rinbosari G‘ayrat Fozilov Finlyandiya Respublikasining Favqulodda va Muxtor Elchisi (qarorgohi Xelsinki shahrida joylashgan) etib tayinlangan Ilkka Ryaysyanenni qabul qildi.
O‘zbekiston TIV rahbari o‘rinbosari ishonch yorliqlarini qabul qilar ekan, Elchini yuqori va mas’uliyatli lavozimga tayinlangani bilan tabrikladi va unga muvaffaqiyatlar tiladi.
Suhbat chog‘ida ikki tomonlama munosabatlarning bugungi holati va ularni rivojlantirish istiqbollari muhokama qilindi.
Oʻzbekiston va Finlyandiya oʻrtasida iqtisodiy diplomatiyani faollashtirish, jumladan, oʻzaro savdo missiyalarini tashkil etish, qoʻshma investitsiya loyihalarni amalga oshirish, ikki davlat ishbilarmon doiralari oʻrtasida toʻgʻridan-toʻgʻri aloqalarni yoʻlga qoʻyish zarurligi qayd etildi.
Ta’lim sohasidagi hamkorlikni yanada faollashtirishdan ikki tomon ham birdek manfaatdor ekanligi bildirildi. O‘zbekistonda Finlyandiya oliy o‘quv yurtlarining filiallarini ochish, “ikki tomonlama diplom” berish dasturlarini joriy etish yuzasidan fikr almashildi.
Turli darajalarda bo‘lib o‘tadigan qo‘shma tadbirlar jadvali ko‘rib chiqildi.
Manba: O’zbekiston Respublikasi Tashqi ishlar vazirligi
