Kengash O‘zbekiston Respublikasi Prezidentining 2021-yil 10-dekabrdagi “Iqtisodiyot tarmoqlari uchun muhandis kadrlarni tayyorlash tizimini innovatsiya va raqamlashtirish asosida tubdan takomillashtirish chora-tadbirlari to‘g‘risida”gi Qaroriga muvofiq tashkil etilgan.

 

Kengashning asosiy vazifalariga Universitetni strategik rivojlantirish bo‘yicha uzoq va o‘rta muddatli dasturlarni ishlab chiqish va tasdiqlash, uning biznes - rejasini shakllantirish va asosiy moliyaviy ko‘rsatkichlarni tasdiqlash kiradi. Kengash, shuningdek, qishloq va suv xo‘jaligi texnologiyalari sohasida ta'lim, ilmiy-tadqiqot va ilmiy ishlanmalar almashinuvini hamda Fanlar Akademiyasi va tarmoq tadqiqot institutlari bilan universitetning o‘zaro hamkorligini muvofiqlashtiradi. Bundan tashqari, Kengash vakolatiga ilmiy ishlanmalarni tijoratlashtirish va startap-loyihalarni ilgari surish, ta'lim va ilmiy-tadqiqot jarayonlariga investitsiyalarni jalb qilish, shuningdek, yetakchi xorijiy oliy o‘quv va ilmiy-tadqiqot muassasalari bilan samarali aloqalarni o‘rnatish masalalari kiradi.

 

Yig‘ilish davomida Kengash kotibi, Universitet rektori B.Mirzaev tomonidan yuqorida qayd etilgan qaror talablarini ijro etish bo‘yicha amalga oshirilgan chora-tadbirlar to‘g‘risida hisobot taqdim etildi.

 

Shuningdek, yig‘ilishda Universitet faoliyati bilan bog‘liq bir qator tashkiliy, ma'muriy va moliyaviy masalalar ko‘rib chiqildi va ularning har biri bo‘yicha tegishli qarorlar qabul qilindi.