Joriy yilning 28-mart kuni O‘zbekiston Respublikasi Ichki ishlar vaziri o‘rinbosari general-mayor B.Yu.Mirzaraximov hamda Transportda XTBB boshlig‘i polkovnik R.A.Tashpulatov Farg‘ona viloyati IIB Transportda xavfsizlikni taʼminlash boshqarmasiga tashrif buyurdi.

Tashrif davomida Neft mahsulotlarini kuzatish batalyoni birinchi otryadi uchun yangi qurib bitkazilgan binoning ochilish marosimi o‘tkazildi, shundan so‘ng vazir o‘rinbosari Farg‘ona viloyati IIB Transportda xavfsizlikni taʼminlash boshqarmasi shaxsiy tarkibi bilan xizmat intizomi va qonunchilikka qatʼiy rioya qilish, yuklatilgan vazifalarni aʼlo darajada bajarish hamda salbiy holatlarga yo‘l qo‘ymaslik bo‘yicha profilaktik suhbat o‘tkazdi hamda shaxsiy tarkibni ijtimoiy himoya qilish bo‘yicha olib borilayotgan say-harakatlar va bunyodkorlik ishlari bilan tanishib, kerakli ko‘rsatmalar berdi.

IIV Transport va turizm obyektlarida xavfsizlikni taʼminlash departamenti

Manba: O‘zbеkiston Rеspublikаsi Ichki ishlаr vаzirligi