Xalqaro Toshkent investitsiya forumi doirasida Toshkent shahar hokimi Jahongir Ortiqxo‘jaev Koichi Miyaki boshchiligidagi Nagoya shahri (Yaponiya) tadbirkorlari delegatsiyasi bilan uchrashdi.
Hokim mehmonlarni iliq qarshi olib, mamlakatlarimiz strategik hamkorligi natijasida o‘zbek-yapon munosabatlari faol rivojlanayotganini ta'kidladi.
Koichi Miyake Toshkentning yuksak investision salohiyatiga urg‘u berib, yosh tadbirkorlar o‘rtasida tajriba almashinuvini yo‘lga qo‘yish uchun shaharning Xalqaro yoshlar palatasi a'zoligiga kirishiga qiziqish bildirdi.
Ma'lumot uchun: Xalqaro yoshlar palatasi (Junior Chamber International) — dunyoning 100 dan ortiq mamlakatlaridan 18-40 yoshdagi yetakchi va tadbirkorlarni birlashtiruvchi notijorat tashkilot. JCI’ning asosiy maqsadi — xalqaro yoshlar harakatini faollashtirish, liderlik fazilatlarini, ijtimoiy mas'uliyat va tadbirkorlikni rivojlantirish.
Manba: Toshkent shahar hokimligi