Ko'rinish
Shrift o'lchami
?
Ekran suxandoni
Ishlab chiqilgan: 
O`zbekiston Respublikasi
Hukumat portali
“Prezident sovgʻasi” hududlarga joʻnatildi
2021-12-28 | Ta’lim
Yil soʻngida anʼanaga koʻra Respublika boʻylab Mehribonlik uylari tarbiyalanuvchilari, ota-ona qarovisiz qolgan bolalar, ota-onalari Vatan sarhadlarini himoya qilish yoʻlida qurbon boʻlgan bolalar uchun “Prezident archasi” tadbiri oʻtkaziladi.
12 yoshgacha boʻlgan bolalar uchun tayyorlangan “Prezident sovgʻasi” tarkibiga shirinliklar, oʻquv qurollari va Bolalar ensiklopediyasidan iborat 21 turdagi sovgʻalar kiritilgan.
Shuningdek, joriy yilda Mehribonlik uylari, Bolalar shaharchalari, Oilaviy bolalar uylari hamda SOS bolalar mahallalarining 12 yoshdan katta boʻlgan 980 nafar tarbiyalanuvchi uchun zamonaviy planshet ham sovgʻalar tarkibiga kiritildi.
Shunday qilib, joriy yilda yilda 9070 dona “Prezident sovgʻasi”dan tarkib topgan sovgʻalar tayyorlanib, hududlarga yuborildi. “Prezident sovgʻasi” Respublikamizning 10 ta hududlariga Oʻzbekiston havo yoʻllari orqali, Sirdaryo, Jizzax, Toshkent viloyatlariga esa davlat yoʻl harakati xavfsizligi boshqarmasining kuzatuvi ostida avtotransport orqali yetkaziladi.
Oʻzbekiston Respublikasi Prezidentining bayram tabrigi hamda sovgʻalari hududiy hokimliklar ishtirokida joriy yilning 29-30-dekabr kunlari oʻtkaziladigan Prezident archasi tadbirlarida bolalarga tantanali topshiriladi.
Manba: O‘zbekiston Respublikasi Maktabgacha va maktab taʼlimi vazirligi
