Chirchiq shahrida sanoat tarmoqlarining ichki imkoniyatlaridan unumli foydalanish orqali qishloq xo'jaligi mashinasozligida ishlab chiqarish jarayonlarini maqbullashtirish, to'liq tsiklli ishlab chiqarish tizimini yaratish hamda yer maydonlari va ishlab chiqarish quvvatlaridan samarali foydalanish maqsadida qishloq xo'jaligi mashinasozlik klasteri tashkil etiladigan bo'ldi.

Prezidentimizning bu borada tegishli qarori qabul qilingan bo'lib, ayni vaqtda "Chirchiq qishloq xo'jaligi texnikasi zavodi" AJning bo'sh ishlab chiqarish maydonlarida qishloq xo'jaligi mashinasozligi klasterini tashkil qilish maqsadida tegishli tayyorgarlik ishlari olib borilyapti. Qishloq xo'jaligi mashinasozlik klasteri yangi yilning birinchi choragida o'z faoliyatini boshlashi rejalashtirilgan.

Manba: Tоshkеnt vilоyati hоkimligi