O`zbekiston Respublikasi
Hukumat portali
“Startap loyihalarini monitoring qilish” mavzusida onlayn-seminar oʻtkazildi
2021-11-12 | Jamiyat
Innovatsion rivojlanish vazirligi tomonidan startap loyihalari tashabbuskorlari uchun “Startap loyihalarini monitoring qilish” mavzusida vazirlik tomonidan moliyalashtirilayotgan startap loyiha tashabbuskorlari uchun onlayn-seminar oʻtkazildi.
Unda Innovatsion rivojlanish vazirligi Startap ekotizimini shakllantirish va rivojlantirish boshqarmasi xodimlari, startap loyihalarni monitoring qiluvchi Ishchi organ va Ilm-fanni moliyalashtirish va innovatsiyalarni qoʻllab-quvvatlash jamgʻarmasi xodimlari maʼruza va taqdimotlar bilan chiqish qildilar.
Seminarda vazirlik tomonidan startaplarni qoʻllab-quvvatlash boʻyicha amalga oshirilayotgan ishlar, yaratilayotgan sharoitlar haqida aytib oʻtildi. Shuningdek, startap loyihalarini monitoring qilishdagi duch kelinayotgan muammolar va ularni bartaraf qilish choralari haqida fikrlar bildirildi.
Startap loyihalarni monitoring qiluvchi Ishchi organ vakillari startap loyiha tashabbuskorlari uchun monitoring hisobotlarini topshirish tartiblari mavzusida taqdimot qildilar. Ishchi organ vakillari loyiha tashabbuskorlari tomonidan duch kelayotgan muammolarni bartaraf etish, yoʻl qoʻyilayotgan qator kamchiliklarni bartaraf etish maqsadida har bir monitoring hisobot jadvallari boʻyicha tushuncha berdilar.
Bundan tashqari, Ilm-fanni moliyalashtirish va innovatsiyalarni qoʻllab-quvvatlash jamgʻarmasi xodimlari kalendar rejaga koʻra monitoring hisobotlarini tartibli topshirish borasida oʻz fikrlarini bildirib oʻtdilar. Seminar yakunida ishtirokchilar monitoring hisobotlarini topshirish boʻyicha oʻzlarini qiziqtirgan savollariga javob oldilar.
Manba: O‘zbekiston Respublikasi Innovatsion rivojlanish agentligi