Ko'rinish
Shrift o'lchami
?
Ekran suxandoni
Ishlab chiqilgan: 
O`zbekiston Respublikasi
Hukumat portali
Davron Hidoyatov Yangiyo'l Shahri va tumanida amalga oshirilayotgan ishlar bilan tanishdi
2021-11-03 | Jamiyat
Viloyat hokimi dastlab shahar markazida mashhur sportchi Murod Xonto'raev xotirasiga bag'ishlab ochilgan UFS sport zalining foydalanishga topshirishga bag'ishlangan marosimda qatnashdi.
Bu erda YAngiyo'l tumani va shahri hokimlari, sektor rahbarlari, marhum sporchining do'stlari, yaqinlari va shogirdlari, sportsevar yoshlar jamuljam bo'lishdi.
Tadbirda viloyat hokimi so'zga chiqib, bunday sport zallari sportsevar yoshlar uchun o'ziga xos mahorat va chiniqish maydoni bo'lishini qayd etdi. Mehmonlar sport zalida yaratilgan sharoitlar bilan tanishtirildi.
Shundan so'ng D.Hidoyatov hudud mas'ullari bilan birga YAngiyo'l tumani “Tinchlik” massividagi 36 gektar er maydonida tashkil etilgan “Kichik sanoat zonasi”da olib borilayotgan ish jarayonlarini borib ko'rdi.
Vazirlar Mahkamasining 2020-yil 27-oktyabrdagi qaroriga asosan, mazkur zonada umumiy qiymati 433,2 milliard so'mlik bo'lgan 15 ta loyiha joylashtirilgan.
Davron Hidoyatov tanishuv davomida tadbirkorlarga qo'lay sharoit yaratish, belgilangan ustuvor vazifalarni o'z muddatlarida bajarish bo'yicha mas'ullarga topshiriqlar berdi.
Navbatdagi manzil tumandagi "YAngi O'zbekiston yoshlari markazi" bo'ldi. Mazkur majmua hududda yoshlarning bo'sh vaqtini mazmunli tashkil etish, ularni kasb-hunarga yo'naltirish, zamonaviy bilim egallashi uchun sharoit yaratishda muhim ahamiyat kasb etadi. Barcha qulayliklarga ega konferentsiyalar zalida yoshlar qizg'in debat, muzokaralar o'tkazishi mumkin. Qolaversa, bu erda IT yo'nalishida "Ayollar daftari", "Temir daftar" ro'yxatida turuvchi oilalarning farzandlari kompyuter texnologiyalari, dasturlash kabi yo'nalishlarda bilim oladilar. Shuningdek, xorijiy tillar, turli kasb-hunarlar bo'yicha o'quv kurslari ham tashkil etilgan. Hozirda mazkur maskanda 12 nafar yosh ish bilan ta'minlangan.
Markaz ichidagi zamonaviy kutubxonada badiiy adabiyot namunalariga oid turli kitoblar, mashhur adiblar asarlari, ilmiy-ommabop risolalarni topish mumkin.
Davron Hidoyatov markaz hudud yoshlarining sevimli manzillaridan biriga aylanishi lozimligi, buning uchun ularning bo'sh vaqtini samarali o'tkazish, ko'proq malakali mutaxassislarni jalb qilish zarurligini ta'kidladi.
Manba: Tоshkеnt vilоyati hоkimligi
