O‘zbekistonda o‘tkaziladigan futbol bo‘yicha U-23 Osiyo chempionatida qatnashadigan barcha jamoalar ma’lum bo‘ldi.

Osiyo futbol konfederatsiyasi qit’a chempionatida ishtirok etadigan  jamoalarning to‘liq ro‘yxatini e’lon qildi.

Unga ko‘ra, O‘zbekiston, Avstraliya, BAA, Vetnam, Malayziya, Janubiy Koreya, Kuvayt, Iordaniya, Iroq, Qatar, Tailand, Turkmaniston, Tojikiston, Saudiya Arabistoni, Yaponiya va Eron  Olimpiya terma jamolari Toshkentda bo‘lib o‘tadigan U-23 Osiyo chempionatida qatnashish huquqini qo‘lga kiritgan.

Eslatib o‘tamiz, U-23 Osiyo chempionati saralash bosqichining «D» guruhidan o‘rin olgan o‘yinlar 27-oktabrdan 2-noyabrga qadar Toshkentda o‘tkazildi.  Ushbu guruhda O‘zbekiston (norasmiy), Saudiya Arabistoni, Kuvayt va Bangladesh Olimpiya terma jamoalari o‘zaro bahslashdi.

Manba: “Dunyo” axborot agentligi