IT Park Farg‘ona filialida “Bir million dasturchi” loyihasi doirasida Farg‘ona viloyati hokimligi bilan hamkorlikda viloyat yoshlari o‘rtasida seminar tashkil etildi.

Tashrif buyurgan ishtirokchilarga yurtimizda ilmiy-amaliy va zamonaviy texnologiyalar sohasida qilinayotgan ishlar, xususan Axborot texnologiyalari sohasida amalga oshirilayotgan loyihalar va IT sohasidagi ta'lim jarayonlari bilan mehmonlar tanishtirilib, “Bir million dasturchi” loyihasi bo‘yicha ham yig‘ilganlarga ma’lumotlar berib o‘tildi.

Tashkil qilingan seminarda ushbu loyihani yoshlar orasida keng targ‘ib qilish va ularni “Bir million dasturchi” platformasidan ro‘yxatdan o‘tkazish, kelgusida kelajak kasbini IT sohasida olib borishi va bunga berilgan imtiyoz va sharoitlar to‘g‘risida tushuntirishlar berildi.

Manba: O‘zbekiston Respublikasi Raqamli texnologiyalar vazirligi