28-oktyabrdan start berilgan ushbu jahon chempionatida 38ta davlatdan 250 nafarga yaqin polvon g‘oliblik uchun kurash olib borishmoqda. Quvonarlisi, O‘zbekiston belbog‘li kurash federatsiyasi raisi Ravshan Dastirov boshchiligidagi 18 nafar terma jamoa aʼzolari (bosh murabbiy Aʼzamjon Shokirjonov) ham mazkur jahon chempionatida munosib ishtirok etmoqda.

Xalqaro toifadagi hakamlarimizdan Bekbergan Boltayev hamda Neʼmatullo To‘ychiyevlar esa Jahon chempionatida hakamlik vazifasini o‘tashmoqda.

Jahon chempionati reglamentiga ko‘ra, 28-oktyabr kuni belbog‘li kurashning erkin yo‘nalishi bo‘yicha g‘olib va sovrindorlar nomi aniqlandi. Murosasiz tarzda o‘tgan bellashuvlarda hamyurtlarimiz 2tadan oltin va kumush hamda 8ta bronza medaliga ega chiqishib, umumjamoa hisobida kuchli uchlikdan joy olishdi.

Quyida Jahon chempionatining g‘olib va sovrindorlari bilan tanishing:

Oltin medal:

-100 kg: Nodirbek Ahadjonov (Toshkent sh.),

-66 kg: Maftunabonu Mahmudova (Andijon),

Kumush medal:

-57 kg: Husanboy Nosirov (Andijon),

-90 kg: Jasurbek Isroilov (Andijon),

Bronza medal:

-82 kg: Husniddin Ro‘ziyev (Andijon),

+100 kg: Aʼzamjon Anvarjonov (Andijon),

-62 kg: Dostonbek Obidjonov (Namangan),

-68 kg: Murodjon Hamidov (Namangan),

-75 kg: Og‘abek Amatboyev (Xorazm),

-52 kg: Muxlisaxon Sotvoldiyeva (Farg‘ona),

-57 kg: Manzuraoy Mo‘ydinova (Farg‘ona),

-76 kg: Ziyodaxon Ergasheva (Farg‘ona).

Bugun Jahon chempionatining ikkinchi kunida belbog‘li kurashning klassik yo‘nalishida bellashuvlar bo‘lib o‘tadi. Polvonlarimizga omad tilaymiz.

Manba: O‘zbekiston Respublikasi Turizm va madaniy meros vazirligi